Austrija je dom mnogih prirodnih fenomena, a jedan od najimpresivnijih koji je privukao našu pažnju je u blizini Salzburga.
Naime, radi se o prirodnom spektaklu, Lihtenštajnskom klancu, koji je za posjetioce otvoren od 1. septembra 2023. godine. Ovo je zaista destinacija koja ostavlja bez daha i nudi nezaboravno iskustvo za cijelu porodicu.
Ako odlučiš da posjetiš ovo čudo prirode imaćeš priliku obići tri tunela i četiri galerije, te vidjeti 60 zaštitnih mreža koje prate kanjon cijelom njegovom dužinom od 1100 metara što ga čini jednim od najsigurnijih kanjona.
Ovo spiralno stubište naziva se ‘Helix’ te se spušta na dubinu od 30 metara od početka, odnosno vrha klanca. Šetajući stubištem pratiće te mali vodopadi koji se slijevaju niz kamene litice klanca. Vodena magla koja se diže iz vodopada daje svemu mističan i čaroban dašak, pa ćeš na momenat pomisliti da si u nekoj bajci.
Ovo čudo prirode austrijskih Alpa definitivno je vrijedno posjete, pa razmisli o organizovanju putovanja već ove jeseni.
