Zima ima posebnu magiju i bez obzira da li si ljetni ili zimski tip osobe, neke sitnice koje prave idiličnu zimsku atmosferu niko ne može da ospori. Ako se u hladnim jutrima budiš lošeg raspoloženja, imamo odlično rješenje za tebe.
Naime, na Instagramu, neiscrpnom izvoru inspiracije, pronašli smo najjednostavniji recept za francusku, gustu toplu čokoladu kojoj niko ne može da odoli, a sigurni smo da će i u najhladnijim zimskim danima tvoj želudac ispuniti toplinom i magijom savršenog ukusa.
Sastojci:
- 1 šolja sjeckane crne čokolade
- 1 1/2 šolje punomasnog mlijeka
- 1/2 šolje masne pavlake
- 1 kašičica šećera u prahu
- šlag za posluživanje
Priprema:
U srednjem loncu na srednjoj vatri pomiješati 1 1/2 šolje punomasnog mlijeka, 1/2 šolje masne pavlake, kašičicu šećera u prahu, 1 šolju sjeckane crne čokolade (najmanje da sadrži 70% kakao praha). Smjesu miješati dok se čokolada ne istopi, a smjesa ne zgusne. Poslužiti sa umućenim šlagom na vrhu!
Uživaj u ovom magičnom napitku!
