Ultra Zanimljivo

Šta moraš ponijeti na izlet u prirodu?

IuteCredit
IuteCredit

Ljeto se polako približava i sve više smo u iskušenju da pobjegnemo iz grada i uživamo u prirodi. U šumi, pored rijeke ili jezera, na livadama i izletištima, temperatura je niža i ugodnija. Osim toga, tišina i cvrkut ptica čine da se naš mozak odmori i obnovi. Priroda je dobro mjesto za druženje, ali i za samostalno istraživanje.

sta ponijeti na izlet
Foto: unsplash

Bilo da ideš na piknik, planinarenje, vožnju biciklom ili pecanje, ako se spremaš za bijeg od usijanog asfalta i gradske buke, evo šta treba da poneseš sa sobom.

Hrana i voda

Naravno, prva i osnovna stvar, jer u šumi nema marketa. Kada pakuješ hranu pazi da to budu namirnice koje mogu da izdrže određene temperature, ali i da su u čvrstom stanju. Priroda nas često izmori i otvori se apetit, tako da uvijek moramo imati dovoljnu količinu hrane kod sebe. S obzirom na toplije vrijeme i neka osvježavajuća voćka će sigurno goditi.

IuteCredit
IuteCredit

Unos tečnosti je jako bitan, pogotovo u ljetnjim mjesecima. Voda je obavezna. Ukoliko ideš na planinarenje ili neku sličnu aktivnost, 2 litre vode su minimum. Pored vode, potrebnu tečnost možeš nadoknaditi i nekim sportskim pićima sa elektrolitima. Ljubitelji kafe sigurno uvijek imaju na umu i termos bocu punu omiljenog napitka.

Odjeća

Na izletu je uvijek poželjno nešto ležerno, udobno, a ljeti i prozračno. Pored toga, poželjno je uvijek ponijeti nešto toplije, jer koliko god pratili vremensku prognozu, majka priroda zna da iznenadi.

Dobro je imati i rezervnu odjeću, jer nikad ne znamo kako će se naše avanture u prirodi završiti. Ovo posebno važi za roditelje s manjom djecom.

Takođe, kabanica i kapa/kačket će ti pomoći da spremno dočekaš svaku promjenu vremena. Možda najbitnija stavka ovdje je udobna obuća prilagođena terenu!

sta ponijeti u prirodu
Foto: unsplash
Deka ili prostirka

Šta je piknik bez dekice? Čak i ako ideš na izletište na kome postoje klupe, stolice, ležaljke i sl. niko ti ne garantuje da ima mjesta za sve. Osim toga, ležanje na dekama u prirodi vole svi, i mali i veliki.

Ruksak

Pošto sve ovo navedeno treba negdje smjestiti, ruksak je neizostavan. Ako si u prilici, i zaljubljenik si koji često boravi u prirodi, možeš da nabaviš nepromočivi ranac ili torbe/cegere u kojima se zadržava temperatura.

Zbog lakšeg kretanja, torbe na jedno rame nisu praktične.

Zaštita od sunca

Zaštita od sunca je neizostavna u ovo doba godine, čak i kada je oblačno. Sunčevi zraci znaju biti izuzetno štetni za našu kožu. Krema sa zaštitnim faktorom, ali i kapa/kačket koje smo prethodno naveli su must have. Često nam je temperatura ugodna za boravak vani pa ni ne primjetimo da nam koža gori.

Ne zaboravi i naočale za sunce!

sta ponijeti na izlet u prirodu
Foto: unsplash
Zaštita od insekata

Volimo prirodu, ali ne volimo insekte. U prirodi ih jednostavno ne možemo izbjeći. Pogotovo ljeti. Ponesi sa sobom zaštitu od insekata, ali neka to obavezno bude već provjeren proizvod – ne želiš da ti neželjena reakcija pokvari izlet.

Prva pomoć

Uvijek je dobro imati prvu pomoć. To ne mora biti ful paket prve pomoći. Zavoji, flaster, neki analgetik i alkohol za čišćenje rana će biti dovoljni.

I na kraju, još jedan dodatni savjet (jer oni koji vole prirodu, oni je i čuvaju) je vreća za smeće! Priroda poslije tebe treba da ostane nepromijenjena.

Slični članci

Šta kada kontejneri padnu sa broda?

Ultra magazin

Kako mačke pokazuju da smo im dragi?

Ultra magazin

Naučnici su stvorili mentol bombon koji istovremeno izbjeljuje zube i obnavlja zubnu caklinu

Ultra magazin