Ultra Inspirativno

Savjeti kako da što jeftinije prođeš na putovanju

Pitanje koje si često postavljamo je “Kako priuštiti putovanje?” jer često ne vjerujemo da možemo putovati jeftino i udobno.
Foto: Unsplash

Kada pronađeš jeftine avio ili bus karte, kao i jeftin smještaj, važno je da razmisliš o tome, koliko će ti novca trebati na destinaciji na koju stigneš, jer na mjestu na kojem ćeš boraviti, potroši se mnogo novca tek kada stigneš. Zato ti donosimo savjete, kako da prođeš što jeftinije i da te novac ne sprečava u tvojim putovanjima.

Foto: Unsplash

Koristi hostele

Zaboravi sve što misliš da znaš o hostelima. Današnji hosteli su čisti, jeftini, za sve uzraste, a u mnogim slučajevima i prekrasni. Neki hosteli su čak bolji od nekih hotela. Dakle, informiši se putem interneta, provjeri preporuke posjetilaca i ne zaobilazi hostele koji su jednako dobri kao hoteli, a koštaju mnogo manje. Boravak u hostelima, čak i samo za dio tvog putovanja, uštediće ti mnogo novca.

Foto: Unsplash

Preskoči odlazak u restorane

Ako je to stvarno važno mjesto koje zaista želiš da vidiš i da probaš neki specijalitet po preporuci, ne osjećaj se loše zbog trošenja novca u restoranu, pogotovo ako je hrana odlična i ambijent predivan. Ali ako je to samo brz zalogaj dok istražuješ grad, ne gubi vrijeme i novac.

Prodavnice prehrambenih proizvoda širom svijeta, nude daleko jeftiniju hranu od bilo kojeg restorana. Ako boraviš u hostelu ili Airbnb stanu, većina takvih smještaja nudi kuhinju i frižider, tako da možeš pripremiti obroke od namirnica kupljenih u lokalnoj prodavnici, koja je mnogo jeftinija od restorana.

Takođe, ako ulična brza hrana koja je jeftinija od restorana ipak nije tvoj stil, u mnogim dijelovima svijeta, lokalne prodavnice imaju ukusnu svježu hranu sa bogatim izborom voća i povrća. Preskakanje odlaska u restorane uštediće ti mnogo novca.

Foto: Unsplash

Pakuj se “laganije”

Ako je tvoj prtljag pretežak za nošenje, znači da previše toga nosiš na put. Biti u mogućnosti da nosiš svoj prtljag sa lakoćom, otvara ti sve vrste opcija za uštedu novca, kao što su šetnja i javni prevoz, umjesto da imaš mnogo teških stvari, jer tada moraš koristiti usluge taksija, a to odnosi mnogo novca. Bez obzira na to koliko dugo je tvoje putovanje, nemoj nositi previše stvari, osim ako ne ideš na neko hladno mjesto i moraš ponijeti mnogo zimske odjeće.

Foto: Unsplash

Koristi lokalne SIM kartice

Naknade za roaming su kao zlokobna i predstojeća prijetnja, koja se nadvija nad svakim putovanjem. Koliko će koštati provjera e-mailova i koištenje društvenih mreža? Da li će mi biti naplaćeno nekoliko dolara, samo da pogledam Google mape? Umjesto toga, nabavi lokalnu SIM karticu, koja je dostupna gotovo svuda, gdje želiš putovati. Možeš ih čak naći u automatima ili kioscima na aerodromu, iako će vjerovatno biti skuplja od one, koju ćeš naći kada stigneš u grad ili bliže svom hostelu. Lokalna SIM kartica, će ti omogućiti da tvoj telefon radi baš kao i kod kuće, bez naknade za roming. Za oko 20 dolara, lokalni SIM, će ti dati neograničene ili skoro neograničene mogućnosti za čitavo tvoje putovanje.

Foto: Unsplash

Kupi kartu za lokalni javni prevoz

Sistemi lokalnih vozova, tramvaja ili metroa u skoro svakom većem gradu, imaju kartice koje nude popuste za ljude koji se često voze. Ako boraviš u nekom gradu više od nekoliko dana, to će ti vjerovatno uštediti mnogo novca. Mnogi sistemi javnog prevoza, nude privremene kartice za posjetioce i turiste. Gradovi sa karticama za višekratnu upotrebu, kao što su londonski Oyster, Tokio Pasmo i drugi, zahtijevaju mali deposit koji moraš uplatiti na karticu, ali ne brini novac koji ne potrošiš možeš da vratiš.

Foto: Unsplash

Izbjegavaj turističke zamke

Ne moraš baš da popiješ kafu ili da ručaš u samom centru grada, jer je često tu najskuplje baš zbog velikog broja turista i to je zamka za turiste, a ne mora da znači da je kafa najbolja ili ručak najukusniji. Samo nekoliko metara dalje, kafu ili ručak možeš platiti po nižoj cijeni, a mogu biti mnogo ukusniji i kvalitetniji. Ne kupuj suvenire i poklone svojim najmilijima uvijek na prvu, čim ugledaš prodavnicu sa suvenirima, pogledaj malo bolje, prošetaj i sigurno ćeš naći nešto jeftinije.

Foto: Unsplash

Nadamo se da su ti ovi savjeti pomogli da uživaš na svojim putovanjima za mnogo manje novca, jer će ti to omogućiti da još više putuješ, istražuješ i uživaš u životu, upoznajući sebe, nove ljude i nove kulture.

 

Izvor: nytimes.com

Slični članci

Drew Barrymore prati „80/20“ pravilo kada je na dijeti. Evo šta to znači…

Ultra magazin

Kako voljeti sebe: 10 koraka da više vjeruješ sebi!

Ultra magazin

Mladenci pustili leptire u čast preminule sestre

Ultra magazin