Ultra Ukusno

Ovu limunadu ćeš pijuckati cijelo ljeto!

IuteCredit
IuteCredit

Ništa ne osvježava kao dobro ohlađena limunada, a ukoliko je poželiš malo “začiniti”, u večernjim satima možeš joj dodati i malo votke, džina ili bijelog ruma, te se poigrati sirupima od đumbira, višnje, jagode ili maline. Ubaci i pokoji listić mente, bosiljka ili grančicu ruzmarina i dobićeš piće kao iz nekog “cool” bara.

Foto Getty Images

Da bismo “iscijedili” ono najbolje iz limuna, potraži nešpricane plodove limuna na obližnjoj pijaci. Tako ćeš moći iskoristiti i koru i dobiti senzacionalan napitak pun okusa i mirisa.

Nareži limun na četvrtine i izmiksaj ih štapnim mikserom pa procijedi sok. Na 10 limuna možeš iskoristiti šolju šećera i 6 šolja vode. Sve dobro promiješaj, dok se šećer ne rastopi pa ostavi u frižider, da se dobro ohladi. Posluži limunadu sa ledom i kriškama limuna.

IuteCredit
IuteCredit

Ukoliko želiš da dobiješ limunadu koja može dulje stajati u frižideru, napravi koncentrat. U tom slučaju će ti trebati 2 šolje šećera i 2 i po šolje cijeđenog soka od limuna. Zagrij šećer i polovinu limunovog soka, pa miješaj dok se šećer ne rastopi, a sok proključa. Kad se sirup ohladi, pomiješaj ga sa ostatkom limunovog soka i drži u frižideru. Na pola šolje koncentrata sipaj podjednaku količinu vode i ubaci koju kocku leda. Koncentrat može stajati do 3 sedmice u frižideru ili 5 mjeseci u zamrzivaču.

Uživaj u ovom fenomenalnom osvježavajućem napitku!

Slični članci

Ukusni jesenji desert od jabuka

Ultra magazin

5 najboljih namirnica za ubrzavanje metabolizma i zdravu probavu

Ultra magazin

Kremasti rižoto sa tikvicama i sirom

Ultra magazin